Fréttir

Í tengslum við Jamboree, Alheimsmót skáta 2011, hefur stjórn Mosverja samþykkt að taka á móti 40 breskum skátum í fæði og uppihald frá 7. ágúst til 12. ágúst. Nú erum við byrjuð á fullu að skipuleggja þessa heimsókn, það er leita að heimilum og skipuleggja dagskrá heimsóknarinnar.

Í kvöld kl. 20:00 verður fundur með Jamboree förum og foreldrum þeirra og mun þetta mál verða eitt af því sem rætt verður um.

Áhugasamnir eru vinsamlega beðnir um að hafa samband við Gunnar Atlason á netfangi

Aðalfundur Mosverja 2011 var haldin í gær. Kolbrún Reinholdsdóttir og Ingveldur Ævarsdóttir gengu úr stjórninni og þökkum við þeim fyrir ánægjulegt samstarf og vonumst til að fá að njóta krafta þeirra á nýjum vetvangi. Í stjórn voru kosnir Kjartan Jónsson og Hlynur Pálsson. Bjóðum við þá velkomna í hópinn. í stjórninni í dag eru því, Gunnar Atlason félagsforingi, Ævar Aðalsteinsson, aðstoðar félagsforingi, Hólmfríður Pálsdóttir gjaldkeri, Vala Friðriksdóttir ritari, Gunnar Ingi Gunnarsson, Kjartan Jónsson og Hlynur Pálsson meðstjórnendur.

Þá var Einar Nilsen valinn sem húsumsjónarmaður/birgðarvörður og Páll Sigurður Magnússon sem bátsmaður. Fundarstjóri var Atli Smári Ingvarsson og fundarritari Vala Friðriksdóttir.

Jæja nú fer starfið í sveitunum að byrja aftur en það byrjar formlega 10.janúar.

Á fimmtudaginn verður haldið upp á þrettándann og þeir skátar sem vilja vera í göngunni mæta 20 mínútur í átta (19:40)  á miðbæjartorgið og fá þá kyndla. Trommusveitin á einnig að mæta þá.

 

Mosverjar glöddust saman í Krikaskóla í kvöld á síðasta atburði félagsins á þessu ári. Áður en við hittumst öll saman þar tóku fálkaskátar og dróttskátar þátt í æsispennandi jólaleik hingað og þangað um bæinn. Á jólafundinum var sungið saman og perlur og merki voru veitt til fálkaskáta og nokkrir drekaskátar voru vígðir. Svo enduðum við kvöldið af sjálfsögðu á smá skátakakói og jólasmákökum.

Gleðilega hátíð!

Félagsútilega Mosverja helgina 5.-7.nóvember gekk mjög vel.
Til að byrja útileguna héldum við kósí varðeld í lautinni hjá KSÚ skálanum þar sem að við sungum nokkra söngva og Gunni Atla sagði okkur söguna um Abijójó. Veðrið lék við okkur á laugardeginum og það snjóaði aðeins á okkur seint um laugardagskvöldið. Drekaskátarnir mættu sprækir í dagsferð á laugardeginum og reyndu fyrir sér í klifurturninum fyrir hádegi og póstaleik eftir hádegi.
Hjá fálkaskátum og dróttskátum var Hin mikla flokkakeppni fyrir hádegi og þurftu flokkarnir að kljást við ýmsar þrautir.
Hádegismaturinn var eftirminnilegur. Krakkarnir elduðu sjálfir úti á prímus og öllum var skipt niður í hópa. Hóparnir drógu svo mismunandi lönd og var úthlutað mat eftir því. Þannig fékk Bandaríkin óendanlega mikinn mat og fínar gashellur til að elda á, en Eþíópía fékk varla nóg fyrir hópinn. Þegar leið á matseldina þá deildist maturinn betur yfir löndin því allir skátar eru svo góðir vinir og hjálpast að.
Um kvöldið var hressandi kvöldvaka með flottum skemmtiatriðum og þar var svaka stuð. Eftir hana fengu drekaskátarnir kakó og fóru svo heim með rútunni eftir langan en skemmtilegan dag.
Þá tók við æsispennandi næturleikur þar sem að Indiana Jones, klikkaði prófessorinn, Górillan og Geimveran komu við sögu ásamt fleiri góðum persónum. Flokkarnir leystu þrautir og söfnuðu hráefnum til að útbúa sannleiksseyði fyrir geimveruna að drekka, því að aðeins hún gat vísað þeim á týndu Tótem súluna úr HúbbaLúbba þorpinu.
Sunnudagurinn fór í frágang og tiltekt í skálanum og svo sigum við úr turninum. Veðrið var svolítið blautt en við létum það ekki á okkur fá.
Helgin gekk rosalega vel og krakkarnir voru mjög duglegir alla helgina.
Myndir eru að finna á myndasíðu mosverja

Takk fyrir góða helgi!

Útilegan verður í Kút á Hellisheiði n.k. helgi.

Ekki er um formlega skráningu að ræða á alnetinu en krökkunum var gefinn frestur til að svara fram að fundinum í kvöld.  Reyndar reyndi ég að ná endanlegri þátttöku á síðasta fundi en þar sem margir voru ennþá óákveðnir,þá lengdi ég þennan frest fram á kvöldið í kvöld.

Farið verður frá Mosverjaheimilinu kl. 19:30 og eiga allir að vera búnir að borða.  Krakkarnir þurfa hlýja svefnpoka,dýnur, hlýan fatnað, góða skó og skjólfatnað.  Einnig þurfa þau að hafa eftirfarandi nesti:  Morgunmatur fyrir laugardag og sunnudag, hádegismatur fyrir laugardag og sunnudag og síðdegishressingu fyrir laugardag.

Innifalið í verði er kvöldhressing og kvöldverður á laugardaginn.  Skálagjöldum verður stillt í hóf og krakkarnir redda fari á staðinn með foreldrum.

Ég reikna með að kostnaður verði um 3000 kr.

Síðustu forvöð eru í kvöld að tilkynna þátttöku vegna matarinnkaupa.

Sendið staðfestingar sms á:661-0989 (Stefán)

 

Ég vona að allir séu spenntir fyrir félagsútilegunni og búnir að pakka niður helling af hlýjum fötum.

Rútan sækir okkur á malarplaninu fyrir neðan hlégarð.
Ef foreldrar þurfa að ná sambandi við skátann sinn eða foringja er hægt að hringja í Mosverjasímann sem verður með í för. s:895-3455

Sjáumst hress og kát í kvöld :D

Núna er félagsútilega alveg að skella á og ég vona að allir séu spenntir og búnir að pakka nóg af hlýjum fötum.

Rútan sækir okkur á malarplaninu fyrir ofan skátaheimilið eða fyrir neðan Hlégarð.
Ef foreldrar þurfa að ná sambandi við skátann sinn eða foringja þá er hægt að hringja í skátasímann sem verður með í för s:895-3455

Sjáumst hress í kvöld :D

Nú eru skátapeysurnar komnar og það er byrjað að dreifa þeim. Þeir sem eru búnir að borga félagsgjaldið geta fengið peysu hjá starfsmanni Mosverja. Hægt er að greiða félagsgjaldið með frístundaávísun eða millifæra inn á reikning Mosverja. Ef ekki er hægt að greiða í einu lagi er hægt að hafa samband við gjaldkera Mosverja og semja um næstu greiðslu.

Bankaupplýsingar fyrir millifærslu: 0549-26-310   kt. 640288-2489.

Á þessu námskeiði gefst dróttskátunum kostur á að tækla margvísleg verkefni í samvinnu við aðra dróttskáta og þróa um leið með sér leiðtoga- og hópavinnuhæfileikana.

Hver kannast ekki við að vera pínu villtur? Möguleikarnir eru margir en hvað skal gera? Námskeiðið er grunnur að frekari foringjaþjálfun.  Höfuðáherslan á námskeiðinu verður hópastarf; -hvernig maður vinnur í hópi, allt frá hugmyndavinnu að framkvæmd.

Námskeiðið er haldið í Bláfjöllum, helgina 1.-3. október 2010 og kostar 6500kr. 
Mæting er við BÍS (Hraunbæ 123) á föstudeginum kl. 19:00 og lagt af stað heim á sunnudegingum kl. 15:00.
Mosverjar greiða helming af verði af námskeiðum BÍS fyrir starfandi dróttskáta og eldri.

Skráning á http://skatar.is/vefur/courseregistration.asp og best er ef að dróttskátar hafa skráð sig fyrir miðvikudaginn 29. sept.

Nánari upplýsingar veitir Ragnheiður,

Annar fundur vetrarins var haldin hjá Rs. Búrhvali sl. fimmtudag. En þá skelltum við okkur á klifursvæðið í Valshamri í kjós.

Veðrið var frábært og var gaman að fá að klifra í alvöru klettum.

Á næsta fundi ætlum við að byggja aparólu upp við Hafravatn fyrir Hafravatnsdaginn. Hittumst í skátaheimilinu og förum saman upp að vatni.

 

Skátafundir eru að jafnaði einu sinni í viku. Allir fundir fara fram í skátaheimilinu við Varmá.

Í Drekaskátum eru skátar 8 og 9 ára. 8 ára (3. bekkur) funda klukkan 16:00 á þriðjudögum og 9 ára (4. bekkur) funda klukkan 17:00 á þriðjudögum. Aðalforinginn er Dagbjört Brynjarsdóttir. ATH fyrsti fundur verður 14. september.

Í Fálkaskátum eru skátar 10 til 12 ára (5. til 7. bekkur).

Strákarnir funda á mánudögum klukkan 17:00 til 18:30. Aðalforingi þeirra er Gunnar Atlason.

Stelpurnar funda á miðvikudögum klukkan 17:00 til 18:30, Aðalforingjarnir eru Eyrún Ævarsdóttir og Embla Rún Gunnarsdóttir.

Í Dróttskátum eru skáta 13 til 15 ára (8. til 10. bekkur). Fundir þeirra eru á miðvikudagskvöldum klukkan 20:00. Aðalforinginn er Henry Arnar Hálfdánarson.

Í Rekkaskátum eru skátar 16 til 18 ára. Fundir þeirra eru á fimmtudagskvöldum klukkan 20:00. Aðalforingi þeirra er Ingveldur Ævarsdóttir.

Í Róverskátum eru 19 til 22 ára skátar. Þeir funda eftir þörfum.

Allir eru velkomnir á kynningardag í Mosverjum, laugardaginn 4. 9. milli 14:00 og 16:00.

 

Í gær hringdi hópurinn sem nú er staddur í Austurríki í mig. Þau báru sig vel. Einn rigningardagur en allt hefur gengið vel. Nú er mótið búið og þau hafa flutt sig um set af mótssvæðinu og inn í Vín en þar er ætlunin að dvelja í nokkra daga á tjaldstæði og drekka í sig menninguna. Ævar sagði að öll hafi þau verið stillt og enginn hafi fengið mikið af skömmum. Sérstaklega tók hann fram að valdagskráin sem þau völdu áður en þau fóru út hafi gengið vel og allir ánægðir. Allir báðu að heilsa heim.